Rai Friuli Venezia Giulia - ITA - Rai - Friuli Venezia Giulia - ITA - Programmi

Tv
Radio

Giornale radio

Ultima Edizione

Raiplay

Video00:07:35
S1 E1 Tip il surisin - Vie lis regulis

RAI FVG LA TV PAR FURLAN

Un pît sul netepîts par netâsi prins di jentrâ in cjase, une çatute sot de aghe par lavâsi lis mans prin di mangjâ, un zuiatul tal zei par meti a puest i zûcs e tornâ a cjatâju cuant che a coventin e une bocje par mangjâ cu la bocje sierade. A Tip no i plasin lis regulis e al pense che no coventin a nuie. La mame invezit i fâs capî che a son impuartantis e che, se si rispietin, si vîf miôr. Saraie avonde une dì cence regulis par fâi cambiâ idee?
1. Pubblicato il07-12-2022
Video00:07:15
S1 E2 Tip il surisin - O volevi jessi fi unic!

RAI FVG LA TV PAR FURLAN

Tip e Jody a pensin che i fradis piçui a sedin stufadiçs… e tormenteanimis. Miôr stâ cence!!! Alore, zuiant di mâcs, a decidin di fâ une magjie par trasformâ i lôr fradis piçui intune plante. Ma cuant che Tip a cene al viodarà il cjadreon di Tippy vueit e un cactus che i somee tant, al capirà di volêi ben ae sûr e che no je vere che cence Tippy al sta miôr. Cun gjonde in chel stes moment al viodarà Tippy rivâ cjase tal braç dal nono.
1. Pubblicato il07-12-2022
Video00:07:19
S1 E3 Tip il surisin - No vuei fâ il bagn

RAI FVG LA TV PAR FURLAN

In gjite, Tip al invente il zûc dal mostri di alighis: si met intor alighis cjatadis intun sfuei e i cor daûr ai siei amîs. Cui che al ven cjapât al deventarà ancje lui un mostri! La puce che a molin fûr lis alighis però e oblee Cuninute e Jody a stâ lontans di lui! Il piçul Tip al è convint che i doi amîs no vuelin plui zuiâ cun lui, ma la mame i spieghe che la igjiene personâl e je une vore impuartante par stâ ben cun se e cun chei altris!
1. Pubblicato il07-12-2022
Video00:07:19
S1 E4 Tip il surisin - O ven ancje jo

RAI FVG LA TV PAR FURLAN

Mame e papà a van a cjatâ amîs fûr paîs e a lassin Tip li des agnis. A pene che i gjenitôrs a van vie, e tache une cjace al tesaur fantastiche che i fasarà capî a Tip che cu lis agnis se pues gjoldi simpri… e ancje tant di plui che cu la mame e cul papà!
1. Pubblicato il07-12-2022
Video00:07:25
S1 E5 Tip il surisin - I fruts sono miôr des frutis?

RAI FVG LA TV PAR FURLAN

Tip, tal parc, al zuie cui amîs. Lui si rimpine suntune rêt e Cuninute, dopo dismontât, i domande parcè che lui al rive a fâlu e jê no. Tip nol à une spiegazion, al è bon di fâlu parcè che… al è un mascjo… Tip, a pensâi ben, al è convint che i masclis a sedin miôr des feminis, ma e sarà la mame a spiegâi l'erôr fasintji viodi dut ce che lis feminis a son buinis di fâ, cjapant dentri il polpeton de none.
1. Pubblicato il07-12-2022
Video00:07:21
S1 E6 Tip il surisin - I zuiatui a son miei

RAI FVG LA TV PAR FURLAN

La mame di Tip e da acet ae amie Lilly, la armeline, che e rive cul so piçul Gugu. La mame e invide Tip a zuiâ cun lui, e lui al à za prontade la plastiline. Dome che il piçul al à miôr i zuiatui di Tip e cun di plui… sai met in bocje! A Tip chest propit no i va jù… "Oi! I zûcs a son miei e o pues doprâju dome jo!". Ma al scuvierzarà che al è biel spartî i propris zûcs cun chei altris… ancje se ju lechin!
1. Pubblicato il20-12-2022
Video00:07:22
S1 E7 Tip il surisin - Se no vinç no mi divertìs!

RAI FVG LA TV PAR FURLAN

Tal asîl il mestri di gjinastiche, Saltarin, al à organizât une corse sportive par ducj i piçui. Tip e Jody si metin in scuadre insiemi… e no àn dubis, a vinçaran lôr! No je miôr maniere par vinci se no chê di no lâ daûr des regulis sportivis e dal fair play! Ma i doi amîs a impararan in curt une lezion impuartante: si vinç pardabon dome cuant che si rispietin lis regulis.
1. Pubblicato il07-12-2022
Video00:07:16
S1 E8 Tip il surisin - Fûr dal jet, e je la nêf!

RAI FVG LA TV PAR FURLAN

Vuê il paisut di Tip si è dismot sot di une coltre di nêf fofe. Tip al è contenton, nuie asîl… al starà dute la zornade a zuiâ cu la sô slite! Ma la mame e à di jessî e lui nol pues restâ a cjase di bessôl, nuie ce fâ, al scuen lâ tal asîl voie o no. Ce marum par Tip, nol è just straçâ une zornade cussì maraveose stant sierât in asîl… Tip al è pardabon jù, ma ce sorprese cuant che al rive a scuele: la mestre e à preparât une zornade speciâl di zûcs su la nêf! Une zornade che Tip nol dismentearà mai!
1. Pubblicato il07-12-2022
Video00:07:26
S1 E9 Tip il surisin - E ce storiis, Tip!

RAI FVG LA TV PAR FURLAN

Vuê Tip al vûl sbrocâ dute la sô imagjinazion e, za dal cricâ dal dì, divertît, al invente ogni sorte di storie: ae sûr piçule i conte che no ven de panze de mame, ma di un altri planet; al papà i dîs che al à viodût un grant sarpint di ducj i colôrs tal zardin; e al nono, par telefon, si svante di vê mangjât un côl di verduris par cene la sere prin. E no je finide, parcè che Tip al va indenant cu lis sôs "storiis" ancje tal asîl. Ma i problemis par Tip a son daûr a rivâ! Dome disint la veretât al podarà puartâse fûr e infin al capirà che al è tant miôr doprâ la imagjinazion par alc di bon.
1. Pubblicato il07-12-2022
Video00:07:21
S1 E10 Tip il surisin - No tu sês plui gno ami!

RAI FVG LA TV PAR FURLAN

Par Tip vuê no je une biele zornade tal asîl. Il so amì Jody al è daûr a tradî la lôr amicizie, al va indenant a fevelâ cun altris compagns… Tip al à capît dut, Jody nol vûl plui zuiâ cun lui… e alore vonde, nol è plui so amì! Il câs al vûl che i doi si cjatin a vivi une aventure plene di "pericui". Tip spaurît si imponte, no si fide plui dal so "ex miôr amì" e nol larà daûr di lui di nissune bande! Jody, plen di olse, nol vûl scoltâ l'amì… masse spaurôs. Rivarano i doi a finîle di barufâ e a cjatâ insiemi une maniere par vignî fûr dai pericui?
1. Pubblicato il07-12-2022
Video00:07:35
S1 E11 Tip il surisin - La babysitter no!

RAI FVG LA TV PAR FURLAN

E je sabide di sere e i gjenitôrs di Tip a jessin par une cene cui amîs. Tip e Tippy, pe prime volte, a restaran a cjase cuntune babysitter. Tip nol è content, lui propit no le vûl… dutis lis babysitters a son striis brutis e tristis, che a fasin robis super brutononis ai piçui! No e no! Ma ve che a tuchin te puarte: strani, la babysitter no je mighe tant brute… e no somee nancje triste. Tippy cun jê e je subite afetuose, intant che Tip al reste un pôc pes sôs, plen di dubis. Miôr no fidâsi e po sigûr che al passarà une serade brutonone. Ma la babysitter Nosele e à ducj i numars par rivâ a fâi cambiâ idee.
1. Pubblicato il07-12-2022
Video00:07:27
S1 E12 Tip il surisin - Une ruie par Tip

RAI FVG LA TV PAR FURLAN

Intal zardin di cjase, Tip al cjate une gnove amie: e je Verduline, une ruie cetant ninine. Il surisin al domande ae mame e al papà di tignîle cun se in cjase, cemût che a fasin i fruts cuant che a domandin di vê un gjatut o un cjanut. Il papà i spieghe che, se e reste, par Tip al sarà un grant impegn e al varà tantis responsabilitâts. Tip al è pront par viodi di jê ma in curt si rindarà cont che i siei gjenitôrs a vevin reson. La ruie si dismôf vie pe gnot, e cor dapardut e e sporcje. Il surisin al è fortunât: la ruie e devente une pavee e e svole vie, cussì nol varà plui responsabilitâts!
1. Pubblicato il07-12-2022

Torna a tutti i programmi

CONTE CHE TI CONTI

In onde la sabide aes 13.42
In onda il sabato alle 13.42

SABIDE 13 LUI

SABATO 13 LUGLIO

Seconde pontade

Seconde pontade di Lontan dai voi, dulà che si fevele de ativitât di Luigi Candoni a Rome (foto); fin dal 1956 al veve inmaneât i Festival delle Novità, puartant par prin in Italie Beckett, Ionesco, Genet.

I siei tescj a vegnin produsûts dai teatri stabilis, in particolâr il so Desiderio del sabato sera cu la regje di un zovin Enrico Maria Salerno.

A fin pontade un altri toc gjavât fûr di Strissant vie pe gnot (Caino) in graciis des vôs di Giuliano Bonanni, Chiara Donada e Massimo Somaglino.

Seconda puntata

Seconda puntata di Lontan dai voi, dove si parla dell'attività di Luigi Candoni a Roma (foto); fin dal 1956 aveva messo in piedi il Festival delle novità, portando per primo in Italia Beckett, Jonesco e Genet.

I suoi testi verranno prodotti dai teatri stabili, in particolare il suo Desiderio del sabato sera con la regia di un giovane Enrico Maria Salerno.

A fine puntata un altro brano tratto da Strissant vie pe gnot (Caino) grazie alle voci di Giuliano Bonanni, Chiara Donada e Massimo Somaglino.

Lontan dai voi

Di e cun Paolo Patui

Par cure di Arianna Zani

Un program scrit di Paolo Patui su Luigi Candoni, par contâ, a cincuante agns de muart di chest autôr nassût in Cjargne, il so rûl fondamentâl pal rinovament dal teatri talian dal secont dopo vuere.

Lontano dagli occhi

Di e con Paolo Patui

A cura di Arianna Zani

Un programma scritto da Paolo Patui su Luigi Candoni, per raccontare a cinquant'anni dalla morte di questo autore nato in Carnia, il suo ruolo fondamentale per il rinnovamento del teatro italiano del secondo dopoguerra.

https://www.raiplaysound.it/programmi/contecheticonti

ASCOLTA E SCARICA LE PUNTATE

Conte che ti conti

(leturis, teatri, senegjâts)

Un spazi dedicât dulà podê scoltâ la nestre lenghe, contade, dite o recitade, traviers lis produzions, dispès gnovis, de nestre regjon.

Conte che ti conti

(letture, teatro, sceneggiati)

Uno spazio dedicato dove poter ascoltare la nostra lingua, raccontata, detta o recitata, attraverso le produzioni, spesso inedite, della nostra regione.