Sabide ai 11 di Zenâr

In cheste pontade di "Friûl in Comun" il nestri viaç al tache di Travês, piçul paîs dal Friûl ocidentâl dulà che, vie pal timp, a son passâts tancj personaçs famôs, prin tra ducj l'artist "Il Pordenon". Di chest e tant altri o fevelarìn, duncje, cul vicesindic Sergio Bottacin e cun Ippolito Marmai (foto), storic e component de SOMSI, che nus contarà ancje di un altri fatarel leât a Carlo Ginzburg.

Te seconde part o larìn invezit a Buri. Il sindic Eliano Bassi nus puartarà a cognossi chest comun, là che la peraule di ordin e je cualitât in dut ce che si fâs, de lavorazion dal açâl al vin. E je però ancje une altre peraule impuartante: solidarietât, come che al dimostre il lavôr des associazions, simpri prontis a tirâsi su lis maniis par dâ une man. Di chest nus contarà Renato Francovigh, coordenadôr de protezion civil comunâl.

Sabato 11 gennaio

In questa puntata di "Friûl in Comun" il nostro viaggio comincia a Travesio, piccolo paese del Friuli occidentale dove, nel corso del tempo, sono passati tanti personaggi famosi, primo tra tutti l’artista “Il Pordenone”. Di questo e molto altro parleremo dunque, con il vicesindaco Sergio Bottacin e con Ippolito Marmai  (foto), storico e componente della SOMSI, che ci racconterà anche di un altro aneddoto legato a Carlo Ginzburg.

Nella seconda parte andremo invece a Buttrio. Il sindaco Eliano Bassi ci porterà a conoscere questo comune in cui la parola d’ordine è qualità in ogni settore, da quello del vino a quello della lavorazione dell’acciaio. C’è però anche un’altra parola importante: solidarietà, come dimostra il lavoro delle associazioni, sempre pronte a tirarsi su le maniche per dare una mano. Parleremo di questo con Renato Francovigh, coordinatore della protezione civile comunale.

ASCOLTA E SCARICA LE PUNTATE

“Friûl in Comun. Vôs e iniziativis dal teritori”

Une cartuline radiofoniche dai comuns de nestre regjon dulà che i sindics a puedin presentâ pal miôr lis peculiaritâts de lôr zone, marcant lis variis carateristichis toponomastichis, gjeografichis, storichis, contant i plui impuartants aspiets culturâi, economics e di comunitât, cence dismenteâsi des iniziativis linguistichis dedicadis ae marilenghe.

Un viaç che di volte in volte si insiorarà de vôs di une persone che e puarte indenant i valôrs dal lûc, evidenziant ancje il rûl dai zovins e il lôr contribût.

“Friûl in Comun. Vôs e iniziativis dal teritori”

Una cartolina radiofonica dai comuni della nostra regione dove i sindaci possano presentare al meglio le peculiarità della propria zona, evidenziandone le varie caratteristiche toponomastiche, geografiche, storiche, fino a raccontarne i punti di forza culturali, economici e di comunità e, ovviamente, le iniziative linguistiche dedicate alla marilenghe.

Un viaggio che di volta in volta si arricchirà di voci appartenenti a un testimone portatore dei valori del luogo, sottolineando anche il ruolo dei giovani e il loro apporto.